Nov 04

कियाचु, यूएईले चासोक तङ्नाम ३७९६ बृहत सांस्कृतिक कार्यक्रमको आयोजना गरी मनाउने

-सरोज पङ्हाङ्गो (दुबई)

“याक्थुङवा/लिम्बूहरुको मौलिक पर्ब चासोक तङ्नाम (न्वागी पूजा) ३७९६ को अवसरमा किरात याक्थुङ चुम्लुङ, (कियाचु) युएईले युएईमा बृहत चासोक तङ्नाम सांस्कृतिक कार्यक्रमको आयोजना गर्ने भएको छ |”

किरात याक्थुङ चुम्लुङ (कियाचु), यूएईका अध्यक्ष मनिष नाल्बो लिम्बूको अध्यक्षतामा  नोभेम्बर ४, २०१७ शुक्रबारको दिन बरदुबईको सिन्धपन्जाब रेष्टुरेन्टको बैठक हलमा बसेको बैठकबाट बृहत चासोक तङ्नाम सांस्कृतिक कार्यक्रमको आयोजना गर्ने निर्णय गरिएको छ |

कियाचु, युएईका भुतपुर्ब अध्यक्ष तथा वर्तमान सल्लाहकार सरोज पङ्हाङ्गोको संयोजकत्वमा प्रमुख सल्लाहकार मनकुमार लाओती (समदर्शी काईंला), सल्लाहकारहरु विजय संयोक र गजबहादुर वनेम (टेक) तथा रनु जबेगू, दीपराज नेयोङहाङ, अमृता लक्सम, लासाङ निङ्लेकू , दुर्गा थोक्लेन, भिमराज कन्दङ्वा, गोबिन्द लुङ्फुङ्वा, मुना ईङ्नाम लगायत कार्यसमितिका सम्पूर्ण पदाधिकारी र कार्यकारी सदस्यहरु सहितको रहेने गरी एक संयोजक समिति गठन गरी उक्त कार्यक्रमको तयारीमा जुटिएको जानकारी गराउदै यस कार्यक्रममा नेपालबाट आउने ३ जना कालाकारहरुको साथमा स्थानीय कलाकार तथा सांस्कृतिक झाँकीहरुको वेजोड प्रश्तुती रहने कुरा  कियाचु, युएईका अध्यक्ष मनिष नाल्बोले स्पष्ट पार्नु भएको छ |

चासोक तङ्नामको अवसरमा हरेक वर्ष विभिन्न कार्यक्रहरुको आयोजना गर्दै आई रहेको कियाचु, युएईले यस पटकको कार्यक्रम डिसेम्बर ८, २०१७ शुक्रबारको दिन गर्ने निर्णय पारित गर्दै, बैठक मार्फत आयोजक तथा संयोजक समितिले संस्थामा आवद्ध अग्रज मान्यजन, सल्लाहकार, पदाधिकारी, कार्यकारी सदस्य तथा आजीबन सदस्यहरु लगायत कियाचु, युएईका सम्पूर्ण शुभचिन्तक महानुभावहरुलाई कार्यक्रम सफल, सार्थक, भव्य र सभ्यरुपमा सम्पन्न गर्न गराउन एकजुट भई सहयोग गर्न आव्हान सहित युएईमा रहेका समस्त नेपाली दाजुभाई तथा दिदीबहिनीहरुमा सहभागिताको लागि हार्दिक अनुरोध समेत गरेको छ |

किरात याक्थुङ चुम्लुङ, युएईले युएईमा हरेक वर्ष मनाउदै आएको चासोक तङ्नाम (न्वागी पूजा) लाई किरात समुदायमा उधौली पर्व भन्ने गरिन्छ भने यस पर्वलाई याक्थुङ लिम्बूहरुले ‘चासोक तङ्नाम’ राई समुदायले ‘साकेला’ सुनुवार समुदायले ‘फोलस्यांदर’ र याक्खाहरुले ‘चासुवा’ भनेर मनाउने गर्दछन | उधौली साकेला पर्वलाई न्वागी पूजा साकेवा, साखेवा, साकेनवा, सिमे, भूमे, फोडस्यान्डर, उधौली र भूमिपूजा आदि नामलेसमेत चिनिन्छ |

 

Oct 22

युएईमा चलचित्र निर्देशक किशोर सुब्बाको सम्मान तथा  बलिहाङ तङ्नाम ३७९६, बनभोज कार्यक्रम सम्पन्न

-सरोज पङ्हाङ्गो (दुबई)

संयुक्त अरब ईमिरेट्स (युएई) मा रहेका लिम्बूहरुले युएईमा रहेका लिम्बू तथा गैर लिम्बू नेपालीहरुको सहभागितामा बलिहाङ तङ्नाम ३७९६, विविध कार्यक्रमहरुको साथ बनभोज खाएर मनाएका छन | किरात याक्थुङ चुम्लुङ, युएईको आयोजनामा सम्पन्न उक्त ‘बलिहाङ तङ्नाम ३७९६, बनभोज कार्यक्रम २०१७’ २०, अक्टुबर – २०१७ शुक्रबारको दिन दुबईको जाबिल पार्कमा सम्पन्न भएको थियो |

बिहान ११ बजेबाट साँझ ७ बजे सम्म नाम्लिङ्गे लारिङ्गे (देउसी भैलो) तथा लिम्बूहरुको मौलिक सांस्कृतिक नाच च्याब्रुङ र धाननाच नाचेर मनाईएको यस कार्यक्रममा बिशेष अतिथि नेपाली चलचित्र निर्देशक किशोर सुब्बा, अतिथिहरुमा नेपाली समाज, युएईका अध्यक्ष चन्द्रप्रसाद सापकोटा, नेपाली सोसियल क्लब, युएईका अध्यक्ष सालिक सुबेदी, नेपाल आदिबासी जनजाति महासंघका अध्यक्ष पासाङ शेर्पा, उपाध्यक्ष सरोज पङ्हाङ्गो, किरात याक्थुङ चुम्लुङ, युएईका भुतपुर्ब अध्यक्ष पीएस निङ्लेकू,  तमू समाज, युएई अध्यक्ष उसा तमुस्यो, किरात राई यायोक्खा शाखा, युएईका अध्यक्ष हर्कमणि राई, थारु कल्याणकारी सेवा समाजका

अध्यक्ष किशोर चौधरी, सुनुवार सेवा समाज, युएईका अध्यक्ष नरबहादुर सुनुवार, संघिय लिम्बुवान समाज, युएईका कार्यकारी सदस्य लासाङ निङ्लेकू, ताप्लेजुङ सेवा समाज, युएईका अध्यक्ष दिल्ली लिम्बु र सचिब भवानी माङ्मू, तामाङ समाज, युएईका प्रतिनिधि लगायत युएईमा स्थापित विभिन्न सामाजिक संगठनका प्रतिनिधिहरुको आतिथ्य रहेको थियो भने कार्यक्रमको अध्यक्षता किरात याक्थुङ चुम्लुङ, (चुम्लुङ) युएईका बर्तमान अध्यक्ष मनिष नाल्बोले गर्नु भएको थियो |

 

विभिन्न मनोरन्जनात्मक कार्यक्रमहरुले सु-सम्पन्न यस कार्यक्रमको औपचारिक कार्यक्रममा लिम्बू समुदायको मौलिक परम्परागत भाषा, धर्म, कला, संस्कृति र भेषभुषा संरक्षण, सम्बर्ध्दन र बिकासको लागि लिम्बू चलचित्रहरु निर्माण गर्दै नेपाली चलचित्र क्षेत्रमा समेत सफल चलचित्र निर्देशकको रुपमा स्थापित हुनु भएका लिम्बू कलाकार संघका अध्यक्ष चलचित्र निर्देशक किशोर सुब्बालाई नेपाल आदिबासी जनजाति महासंघ, युएई, किरात याक्थुङ चुम्लुङ, युएई र ताप्लेजुङ सेवा समाज, युएईले सम्मान पत्र प्रदान गरि दोसल्ला ओडाएर सम्मान गरेको थियो भने चुम्लुङ, युएईका अध्यक्ष मनिष नाल्बोले बीरबहादुर ईधिङ्गो शिवरात्री नाल्बो, दुर्गा लिम्बू थोक्लेन,शान्ता कुरुम्बाङ, बिध्या लिम्बू, राजेश जबेगु, रनु जबेगु, धनबहादुर लिम्बू, गोबिन्द कुमार लिम्बू, सरस्वती इङनाम, सीतादेवी लिम्बू इजम र गजुरसिङ वनेम सहित १२ सदस्यहरुलाई किरात याक्थुङ चुम्लुङ, युएईको आजिबन सदस्यता प्रमाण पत्र वितरण गर्नु भएको थियो |

 

सेलरोटी, सुगुर र लोकल कुखुराको मासु तथा सेकुवा मुख्य खानाको रुपमा रहेको खाजा तथा खानामा अन्य नेपाली परिकारका स्वादिस्ट परिकारको स्वादसंगै कार्यक्रमको अर्को मुख्य आकर्षक खुल्ला सांस्कृतिक तथा खेलकुद प्रतियोगिता  धाननाच, लिम्बू पहिरन, छेलो, हाँडीफोर, भालेजुदाई, मुन्धुम, लिम्बू ईतिहास, लिम्बू भाषा संस्कृतिमा आधारित हाजिरी जवाफ जस्ता कार्यक्रमहरुले थप मनोरन्जन दिएको बलिहाङ तङ्नाम बनभोज कार्यक्रम स्थानीय नियम कानुन तथा प्रवासका विभिन्न समस्याका कारण घर घर गएर नाम्लिङ्गे लारिङ्गे (देउसी भैलो) खेलेर मनाउन सम्भब नभएकोले किरात याक्थुङ चुम्लुङ, युएईको आयोजनामा हरेक वर्ष बलिहाङ तङ्नाम यसरि नै पार्कमा बनभोज खाएर सामुहिक नाम्लिङ्गे लारिङ्गे (देउसी भैलो) लगायत विविध कार्यक्रमहरु आयोजना गरी मनाउदै आएको  कुरा स्पस्ट पार्दै कार्यक्रम आयोजक समितिले आगामी दिनमा पनि यसरि नै निरन्तर  बलिहाङ तङ्नाम बनभोज कार्यक्रमको आयोजना गरि  लिम्बू समुदायको मौलिक भाषा, धर्म, कला, संस्कृति र भेष-भुषा संरक्षण समर्ध्दन तथा बिकासको लागि निरन्तरता दिने जानकारी दिएको थियो |

 

Aug 01

किरात याक्थुङ चुम्लुङ, युएईद्वारा आर्थिक सहयोग

सबिनाका साथ प्रवक्ता दिपराज आर्थिक सहयोग हस्तान्तर पश्चात

इलाम जिल्ला चुलाचुली गाउँ पालिका वडा नं ३ निवासी सबिना लिवाङ लिम्बू बिदेशीक रोजगारीको सिलसिलामा संयुक्त अरब इमिरेट्समा घरेलु कामदारको रुपमा काम गर्न आएकोमा |

रोजगारदाताबाट समयमा तलब नदिने, अनेक वाहानामा मानशिक यातना दिने गरेपछि नेपाली दुतावास अबुधाबीको सरणमा परेकी सबिनाको दुतावास मार्फत तदारुकताकासाथ रोजगारदाता संग सहकार्य गरी, आवश्यक कागजात तयार गरी, नेपाल फर्कन हवाई टिकटको जोहो गर्ने भन्ने सुझाब अनुसार सबिनालाई हवाई टिकटको आवश्यकता समाजसेवी अबुधाबी निवासी उमेश वाबुदुकिख राई मार्फत किरात याक्थुङ चुम्लुङ, युएईका भुतपूर्व अध्यक्ष तथा संरक्षक सदस्य पिएस लिम्बूलाई अवगत भएको थियो |

यसै अनुरुप पिएस लिम्बूद्वारा संस्थाका अध्यक्ष मनिष नाल्बो लिम्बूलाई जानकारी गराई नेपाल फर्कने हवाई टिकट तथा अध्यागमन जरीवाना वावत अनुमानित लागत AED: 1500 किरात याक्थुङ चुम्लुङ, यूएईको पहलमा आर्थिक संकलन गरी, संस्थाका प्रवक्ता दिपराज नेयोङहाङ मार्फत गत जुलाई १६, २०१७को दिन  दूतावासमा हस्तान्तर गरिएको थियो |

सबिना लिवाङ लिम्बूले संस्थाका महासचिव डम्बर लिवाङ लिम्बूलाइ जुलाई २५ को दिन नेपालको लागि उडान रहेको जानकारी दिएकी थिइन् |

किरात याक्थुङ चुम्लुङ, यूएई, दुतावास, उमेश राई, तथा  सम्पूर्ण सहयोगी मनहरुलाई आभार व्यक्त गर्दछ |

Jul 24

किरात याक्थुङ चुम्लुङ, यूएईको चौथो साधारणसभा सम्पन्न …

गत मार्च १७, २०१७ श्रीराज लस्सीको सभा हलमा आयोजित, किरात याक्थुङ चुम्लुङ, यूएईको चौथो साधारणसभा मार्फत २०१७-२०१९ कार्यकालकोलागि १५ सदस्यीय नयॉ कार्यसमिति निर्विरोध चयनको गर्दै सम्पन्न भएको छ  |

बन्दसत्र र खुल्ला सत्र गरी दुई चरणमा उक्त साधारणसभाको बन्दसत्रको पहिलो चरण निवर्तमान अध्यक्ष सरोज पंहाङगोले अध्यक्षता गरेका थिए |

बन्दसत्रमा संस्थाको संसोधित विधान, संस्थागत आर्थिक तथा प्रशासनिक प्रतिवेदनहरु माथि छलफल गरी पारित गरिए पश्चात अध्यक्षको आसनबाट निवर्तमान कार्यसमिति भंग गरिएको घोषणा पश्चात साधारणसभा संयोजक निश्चल, पिएस लिम्बूले नयाँ कार्यसमिति चयनको लागि सभालाई

सामुहिक फोटो खिचाउदै नयॉ कार्यसमितिका पदाधिकारी, केन्द्रीय सदस्यहरु 

अध्यक्षता गरेका थिए |उपाध्यक्ष बाहेक प्राय सबै पदहरुमा एक पद बराबर अन्य पप्रतिष्पर्धी उम्मेदवारहरुको उम्मेदवारी नपरेको लगभग निर्विरोध जस्तै भई सकेको अवस्थामा, उपाध्यक्ष पदका प्रत्यासीहरुलाई आपसी समझदारीको लागि समय दिईदा प्रत्यासी दिपराज नेयोङले राजेशलाई समर्थन गरेकोले साधारणसभा संयोजकले सम्पूर्ण पदाधिकारी तथा केन्द्रीय सदस्यहरु निर्विरोध चयन भएको घोषणा गरेका थिए | नवगठित कार्यसमितिका पदाधिकारी तथा केन्द्रीयसदस्यहरुलाई संस्थाका सल्लाहकार तथा कवी समदर्शी काँइलालेसपथग्रहण गराएका थिए |

 

खुल्ला सत्रमा यूएईका बिभिन्न सामाजिक संघसंस्थाबाट आमन्त्रित अतिथिहरुमा नेपाल आदिवासी जनजाति महासंघ, यूएईका अध्यक्ष डीआर तमु, किरात राई यायोक्खा, यूएईका प्रतिनिधि, शेर्पा किदुग यूएईका अध्यक्ष पासाङ शेर्पा, नेपाली सोसल क्लबका अध्यक्ष सालिक सुबेदी, पथरी समाजका अध्यक्ष कृष्ण पौडेल तथा व्यवसायी शैलेन्द्र नाल्बो, पत्रकार प्रिथिछ्क मगर, रमाकान्त बाँस्तोला लगायतका अतिथिहरुले नयाँ कार्यसमितिका पदाधिकारीहरुलाई बधाई तथा सफल कार्यकालको शुभकामना दिएका थिए | नयॉ कार्यसमितिको नामावली निम्नानुसार छ ।

  1. अध्यक्ष- मनिष नाल्बो लिम्बू , शारजाह
  2. प्रथम उपाध्यक्ष- राजु कुरूङबाङ, दुबई
  3. दित्तीय उपाध्यक्ष- राजेश लाबुङ, दुबई
  4. महासचिव -डम्बर लिवाङ, दुबई
  5. सचिव -निर्मल पन्धाक, अजमान
  6. कोषाध्यक्ष- योगेश निङलेकु, दुबई
  7. सह-कोषाध्यक्ष- सुर्य आङदेम्बे दुबई
  8. केन्द्रीय सदस्य-खड्क सिङजागो, शारजाह
  9. केन्द्रीय सदस्य-विवस मादेन, दुबई
  10. केन्द्रीय सदस्य -चक्र सिंगक, दुबई
  11. केन्द्रीय सदस्य- शर्मिला पन्दाक, दुबई
  12. केन्द्रीय सदस्य- बिक्रम पन्धाक, दुबई
  13. केन्द्रीय सदस्य- दिनेश योङहाङ, दुबई
  14. केन्द्रीय सदस्य- सुमन नेम्वाङ, दुबई
  15. केन्द्रीय सदस्य- नरमायॉ लक्सम, दुबई

Feb 26

साधारणसभा सदस्यहरूको अन्तिम नामावली

साधारणसभा सदस्यहरूको अन्तिम नामावली

उपरोक्त सम्बन्धमा, किरात याक्थुङ चुम्लुङ, युएईको चौथो साधारणसभा मार्च १७, २०१७ कोलागि सदस्यता बनिने अर्थात वितरण गरिन तोकिएको अन्तिम मिति फेब्रुअरी २४, २०१७ सम्म र बिगतका सदस्यहरु गरी साधारणसभालागि कुल सदस्यहरूको नामावली निम्नानुसार छ |

विशिष्ट संरक्षक सदस्य/हरु:
सुन्य – अहिले सम्म कोहि कसैलेपनि विशिष्ट संरक्षक सदस्यता नलिएको / नभएको |

संरक्षक सदस्य/हरु:

1. निश्चल, पिएस निङलेकु दुबई

आजीवन सदस्य/हरु:

2. करण कुमार थलङ दुबई
3. प्रविण योङहाङ दुबई
4. सरोज पंहाङगो दुबई
5. कृष्ण मेन्याङबो दुबई
6. राजु फोम्बो अमल क्विन
7. मनिष नाल्बो शारजाह
8. निशान थोप्रा अबुधावी
9. विजय संयोक दुबई
10. कृष्ण फागो शारजाह
11. टेक (मिक) फागो दुबई
12. दीपक वनेम अबुधावी
13. नन्द ताम्लिङ दुबई
14. दिनेशकुमार लिम्बू दुबई
15. बिर्खबहादुर मादेन दुबई
16. चन्द्रप्रसाद लिवाङ दुबई
17. मनकुमार तुम्बापो दुबई
18. आइन्द्र बिक्रम वाजी दुबई
19. अमीर लिम्बू अबुधावी
20. राजु कुरुङबाङ दुबई
21. मनकुमार लावती दुबई
22. सृजना चेम्जोङ सारजाह
23. गौतम लिम्बू दुबई
24. सुबाश बेघा दुबई
25. सुर्यबिक्रम आङदेम्बे दुबई
26. अमृता लक्सम दुबई
27. गजबहादुर वनेम दुबई
28. खड्क सिंजाङ्गो सारजाह
29. राजेश लाबुङ दुबई
30. डम्बर लिवाङ दुबई
31. योगेश निंलेकू दुबई
32. दिपराज नेयोङ्हाङ्ग अबुधावी
33. सुक्र नेम्वाङ दुबई
34. मोतीप्रसाद मेयङबा अबुधावी
35. निर्मल पन्धाक अजमान
36. शर्मिला पन्दाक दुबई
37. दिनेश योङहाङ दुबई
38. उदिप ओख्राबो दुबई
39. उमेश सिंगक दुबई
40. बसन्त पंहाङगो दुबई
41. अमर पोमु दुबई
42. भवानीप्रसाद माङमु दुबई
43. जगतबहादुर लाबुङ दुबई
44. बिक्रम लिम्बू दुबई
45. नरमाया लक्सम दुबई
46. सन्तोष चेम्जोङ दुबई
47. चक्रबहादुर सिंगक दुबई
48. छबिलाल नेम्वाङ दुबई

युएईको आवासीय भिषा रद्द गरी, नेपाल तथा अन्य देशमा गईसकेका आजीवन सदस्यहरु

49. लोकमान थलङ नेपाल
50. राजेन्द्र सिङथा नेपाल
51. दुर्योधन लावती नेपाल
52. दुर्गा थेबे कतार
53. सुरेन्द्र लिम्बू नेपाल
54. राजेन्द्र आङबुहाङ नेपाल
55. रबि मादेन नेपाल

साधारण सदस्य/हरु:

सुन्य – अहिले सम्म कोहि कसैलेपनि साधारण सदस्यता नलिएको / नभएको | पहिले लिएकाहरुले नवीकरण नगरेको |
माथि उल्लेखित नामावलीमा कसैको छुटेमा वा बनिएका सदस्यहरुको नाम उल्लेख नभएको भए, भोलि मिति फेब्रुअरी २५, २०१७ बेलुका ७ बजे सम्ममा प्रतिक्रिया स्वरूप जानकारी गराउन अनुरोध गरिन्छ | स्मरण रहोस, दुबईको ७ बजे पछिको जानकारी/हरु अमान्य हुनेछ |

नोगेन

निश्चल, पिएस निङलेकु
संयोजक
चौथो अधिवेशन संयोजक समिति
किरात याक्थुङ चुम्लुङ, युएई

Jan 14

चौथो अधिवेशन मार्चमा हुने

आज सन् १३ जनवरी २०१७ का दिन किरात याक्थुङ चुम्लुङ, युएईका वर्तमान अध्यक्ष सरोज पंहाङ्गो ज्यूको अध्यक्षतामा बरदुबईको श्रीराज लस्सी रेष्टुरेन्टको हलमा सम्पन्न कार्यसमितिको पूर्ण बैठकले संस्थाको चौथो अधिवेशन मार्च १७, २०१७ शुक्रबारको दिन सम्पन्न गर्ने गरि तीन सदस्यीय निर्वाचन अधिवेशन संयोजक समिति गठन गरी फेब्रुवरी १०, २०१७ भित्र निर्वाचन आचारसंहिता पारित गर्ने गरी आचारसंहिता निर्माण तथा अधिवेशन तयारीको जिम्मेवारी प्रदान गरिएको छ |

अधिवेशन संयोजक समिति

  1. संयोजक: निश्चल, पिएस निङ्लेकू
  2. सदस्य: नन्द ताम्लिङ
  3. सदस्य: राजु फोम्बो

यसका साथै सदस्यता वितरण सम्बन्धमा छलफल गरी कार्यसमितिको सक्रियतामा सोहि मिति देखि सदस्यता वितरण अभियान संचालन गरी मार्च ३, २०१७ को बैठकमा वितरित सदस्यहरुको आवश्यक  कागज-पत्र र शुल्क कार्यसमितिको बैठकमा उपलब्ध हुने गरि सदस्यता वितरण गर्ने र त्यो दिन सम्म बनेका सदस्यहरुले मात्र चौथो राष्ट्र अधिबेशनमा आधिकारिक सहभागी हुन पाउने समेत सर्वसम्मत निर्णय गरिएको छ |

अधिवेशन हुने समय र स्थान तथा उम्मेदवारी सम्बन्धि सूचना निर्वाचन संयोजक समितिले संस्थाको अधिकारिक फेसबूक साधारणसभा समुहमा तथा यसै वेबसाइटमा सम्प्रेस गर्ने हुदा, समय समयमा वेबसाइट तथा साधारणसभा समूह हेर्दै गर्नु होला |

 

Dec 17

चासोक तङनाम २०१६ सम्पन्न

चासोक तङनाम २०१६ सम्पन्न  |

किरात याक्थुङ चुम्लुङ, यूएईको आयोजनामा, मिति डिसेम्बर  १६, २०१६ दुबईको प्रसिद्द पार्क जाबील पार्कमा चासोक तङनामको अवसरमा चासोक तङनाम बनभोज २०१६ सम्पन्न भएको छ |  उक्त अवसरमा बिभिन्न लिम्बू संस्कृति झल्कने विभिन्न साँस्कृतिक कार्यक्रम तथा अन्य मनोरञ्जनात्माक कार्यक्रमहरु- हाजिरीजवाफ (लिम्बू इतिहास, संस्कृति, मुन्धुम,र नेपालको समसामयिक बिषयमा), धान नाच, च्याब्रुङ नाच, पक्लुङ (छेलो)  हण्डी फोर, भाले जुधाई आदि को अयोजना गरिएको थियो |

कार्यक्रममा संस्थाको स्थापना कालदेखि संस्थामा तथा समुदायमा योगदान पुराएका भूतपूर्व अध्यक्ष तथा वर्तमान संरक्षक,निश्चल,पिएस निङलेकुलाई ताम्रपत्र प्रदान गरी अभिनन्दन गरिएको थियो भने सुवाष भण्डारी एक गैर लिम्बू भएर पनि यूएई प्रवासमा रही संस्थामा योगदान पुर्याए वापत मानार्थ सदस्य प्रदान गरिएको थियो | यसका साथै संस्थाका आजीवन सदस्यहरुलाई कियाचु नेपाल तथा यूएईको सदस्यता प्रमाणपत्र वितरण गरिएको थियो |

Read the rest of this entry »

Jan 16

चासोक तङनाम तयारी अन्तिम तयारी

यहि आउदो, जनवरी २२, २०१६ मा किरात याक्थुङ चुम्लुङ, यूएईद्वारा आयोजना गरिने, “चासोक तङनाम साँस्कृतिक कार्यक्रम” को भब्य तयारी भईरहेको आयोजक समितिका पदाधिकारीहरुले जानकारी गराएका छन् |कार्यक्रम हुने मिति, स्थान र समय निम्नानुसार रहेको छ |

मिति: जनवरी २२, २०१६
स्थान: इम्पेरीयल सुइट्स होटल, रोला रोड, बरदुबई
समय: दिनको ३ बजे देखि  

कार्यक्रमको प्रमुख आकर्षण

संयोजक समिति अनुसार, नेपाल देखि आउने अतिथि कलाकारहरु;

१: प्रथम नेपाली तारा तथा चर्चित पार्श्वगायक दीपक लिम्बू
२: चलचित्र नायक सनुबाबा सुब्बा | य

सैगरी उक्त कार्यक्रममा, बैदेशिक रोजगारको सिलसिलामा यूएई बसोबास गरिरहेका निम्न चचित स्थानीय नेपाली कलाकारहरुको जोददार प्रश्तुति रहने जानकारी दिइएको छ |

नृत्यमा:

१: भुवन थापा
२: दीपक तमु
३: कृष्ण थापा
४: सारिका सुनार
५: कुशल बुचा
६: शान्ति शाही मोक्तान
७: मिठु तामाङ
८: रोशनी सुब्बा
९: अस्मिता श्रेष्ठ आदि |

गायनमा:

१: रनु जबेगु
२: नन्दु राई
३: दिनेशकुमार लिम्बू
४: अमृता लक्सम
५: कृष्ण खवास ( नेपाली आइडल तृतीय)

लिम्बू मौलिक साँस्कृतिक प्रश्तुति:  धान नाच र च्याब्रुङ नाच

नरमाया लक्सम
कृस देवान
अमृता लक्सम
बबीबिक्रम थोप्रा
गुराँस वनेम
राम योङहाङ आदि |

 

Jan 07

Chasok Tangnam Program

Kirat Yakthung Chumlung, UAE, a Dubai based Nepalese community organisaiton established in 2006, is organising a “Chasok Tangnam Cultural Program” on the following date, venue, time.

Date:                     Jan 22, 2016
Venue:                   Imperial Suits Hotel, Rola Road, Bur Dubai
Time:                     15hrs to 20 hrs

 

The program is expected be witnessed by Nepalese Ambassador to UAE as Chief Guest whereas the main attractions of the program would be as hereunder;

  1. Dipak Limbu- Live Performance of singing Star, Dipak Limbu, the “First Nepali Tara (Star)” , & famous playback singer of Nepal.
  2. Sanu Baba Subba- Performance of Movie Star, Sanu Baba Subba who Debut in the historic movie “Sima Rekha”
  3. Krishn Khawas- Performance of Nepal Idol second runner up.
  4. Rekha Ghimire- Youth Nepali female singer.
  5. Nandu Rai- Youth Nepali male singer.
  6. Ranoo Jabegu-  Youth Nepali male singer.
  7. Amrita Laksam- Youth Limbu language female singer.
  8. Famous male & female dancers
  9. Cultural Group Performance such as Paddy Naanch & Chyabrung Dance.

The limboo community residing in UAE celebrate their festival Chasok Tangnam every year by organising cultural shows so that they could share their community message to the other Nepalese communities who do not have knowledge about limboo culture.

 

 

Oct 16

“चासोक तङनाम” मनाउने

लिम्बूहरूको साझा संस्था, किरात याक्थुङ चुम्लुङ, यूएईले हरेक बर्षझैँ आगामी डिसेम्बर २५, का दिन, “चासोक तङनाम साँस्कृतिक कार्यक्रम” आयोजना गरी मनाउने निर्णय गरेको छ |

संस्थाका अध्यक्ष सरोज पहाङगो लिम्बूका अनुसार, कार्यक्रममा प्रथम नेपाली तारा तथा नेपालका चर्चित पार्श्व गायक दीपक लिम्बू, यूएईमा कार्यरत चर्चित कलाकारहरुका साथै सामुदायिक साँस्कृतिक प्रश्तुतिहरु रहनेछन् |

कार्यक्रम सम्बन्धि बिस्तृत जानकारीकोलागि किरात याक्थुङ चुम्लुङ, यूएईलको अधिकारिक फेसबुक पेज https://www.facebook.com/chumlunguae  तथा यो साइट समय समयमा हेर्दै गर्नु होला |

 

Older posts «